Tunjung Tutur

Aseekk, Ana Pelatihan Kerja Kanggo Difabel ing Malang | 5 Februari 2016

Wah, ing Malang saiki ana papan pelatihan kerja kanggo difabel lho. Puji syukur, dulur- dulur bakale pada bungah sebab papan pelatihan kasebut uga minongka srana kanggo mbuka lapangan kerja anyar. Aseekk…

Jenenge LPMBK utawa Lembaga Pemberdayaan Masyarakat Berkebutuhan Khusus. Syukur, wes tambah maneh lembaga sing ngimpun kebutuhane difabel. Pancen sing jenenge difabel sakyahana sakyahene minongka warga negara nasibe akeh sing durung bejo. Sebab saka aturan utawa undang-undang pemerintahan sarta pelaksanaane durung bisa ngwadahi kepentingane difabel kayata akses transportasi, sekolah, kesehatan lan sakpiturute.

Oh ya, difabel iku istilah kang wes jamak kaanggo nyebut dulur kang katon lair kurang pepak utawa cacat (nuwun sewu).

Nah, sangka kasunyatan iki, ceritane Lingkar Sosial (LINKSOS) lembaga ing Malang kang giat bantu wong kusta lan difabel, gawe acara Pertemuan Masyarakat Berkebutuhan Khusus ing Lawang- Malang, tanggal 6 Desember 2015, hasile mufakat gawe lembaga sing bakale khusus ngatasi perkarane difabel sing sakbanjure kasebut LPMBK.

Kang nambah bungah ing patemon iku teka uga pirangane anggota lintas komunitas ing Malang Raya kayata Bening, Lawang Rescue, Warisbi uga sangka akdemi dosene Polinema. Ora keri acara iku kaleksanan tambah lancar sangka murah atine juragan Agrowisata Petik Madu nyilehna ruangan kanggo kumpulan.

Warga LPMBK yen digunggung dina iki wes luwih sangka 20 uwong, kang rata-rata meh kabeh ngalami disabilitas utawa cacat sangka sewarnaning sebab kayadene kecelakaan, sakit utawa gawan lair. Para warga ora mung asal Malang nanging lintas kota lan pulau kayata Gresik, Surabaya, Pasuruan, Kediri, Surabaya, Jombang bahkan Sampang dan Samarinda. Wah, rejane acara nganti ora bisa kacritakne, semono uga bungahe para kanca.

Lah saiki kegiatan pelatihan wes dimulai snadyanto cilik-cilikan. Pada kumpul nang salah sijine anggota ing kecamatan Lawang. Sementara kegiatane lagi mung jahit. Nggango mesine anggota uga, ana mesin jahit, mesin obras, mesin dek lan sakpiturute. Sing durung bisa njahit bisa belajar sekalian mbantu nyambut gawe, sing bisa jahit mulai nyambut gawe garap pesanan jahitan.

Minongka lembaga anyar LPMBK bakal terus sinau lan sinau supaya bisa tukhul lan ngembang murih manfaat ing liyan. Prinsipe ambuka dhiri siap kerjasama karo sapa wae waton bener lan ora nyimpang sangka tujuan. Bisa karo Pemerintah, lembaga swasta, lintas komunitas uga CSR Perusahaan. Saiki wes mlaku kerja bareng LINKSOS ing babagan pengembangan SDM lan keorganisasian.

Saiki isih perlu sewarnaning piranti latihan kerja/ kerja, sebab angen-angene ora mung jahit menjahit wae nanging sewarnaning jenis pelatihan bisa katempuh gratis dening para kanca kanti tujuan ingkang prasaja: Mandiri tanpa wates disabilitas. Mula para dulur ayok pada milu mrene nyumanggakna minongka anggota utawa donatur.

Para dulur sing perlu katrangan luwih pepak bab kegIatan iki bisa kontak Ketua LPMBK Kertaning Tyas, Telp/SMS/Whashap 085764639993 utawa langsung wae silaturahmi nang papan kegiatan Workshop Kalirejo Jl. Sumber Kembar RT 01/15 No 24 Lawang, Malang.

Makaten para sederek, ngaturi rawuhipun, matur sembah nuwun.

  


Tinggalkan sebuah Komentar »

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: