Tunjung Tutur

Jaman Edan, Wong Waras Nggak Kathok’an | 8 Juni 2009

Ing kutha- kutha akeh wong edan kluyuran, utamane ing kutha- kutha. Yen ing desa iku jarang, yen ana iku biasane ya wong kono wae, wong ora waras sing isih diurusi karo keluargane. Lan sing ora diurusi keluargane biasane ngeluyur ning kutha. Pancen gebyaring kutha iku ora mung narik minate wong waras ning ya minate wong edan barang. Isih begja ora keluyuran tekan luar negeri, yen nganti tekan kana kaya ngapa mumete pemerintah, wis ing luar negeri iku akeh majikan edan isih ketambahan TKW/TKI edan..😀
Dadi menawa kutha iku pancen papan panggonan sing cocok kanggo wong edan, lha piye arep manggon ing RS Jiwa ya butuh ragad. Ning ya sanadyan ing kutha iku akeh wong edan nganti seprene aku durung krungu ana paguyuban utawa asosiasine wong edan, sing ana malah asosiasi sing memper ‘paguyuban ngaku waras’ sing tujuane ora liya hangguyubke wong edan supaya ngaku waras: tumindak daksia ‘atas nama hukum’ lan memateni ‘atas nama kebenaran’, malah kumpulane wong ngaku waras iku ya duwe landasan hukum sing angel diutak- atik.
Yen ing desa sarjana bisa ngalah set karo Garong nalika nyalon Lurah, jare murih aman desane. Iku ateges wong edan wis mewabah ing pemerintahan. Gawat iki!
Kutha- kutha wis saya kebek karo wong edan, desa sing adem ayem lan guyub rukun ditinggal. Ing kutha wong edan dirazia, murih ora gawe rereged, ning wong edan nggak kentekan dalan, saka alam nyata mrambah ing alam maya, yaiku jagad internet, wong waras pada udo ra kathok’an sumebyar kaya dene lintang ing langit.
Eee.. bumi gonjang- ganjing langit kelap kelip.. sajake penyakit gendeng wis mewabah ing sakabehe jalma lumrah. Walah, ojo- ojo aku uga sinebut wong edan? Duh Gusti, doh- doh na sing adoh saking anak lan putu kulo..


Ditulis dalam Cerita Ringan

2 Komentar »

  1. pancen penak dadi wong edan. kepengen opo opo mesti keturutan😉

    weleh-weleh.. dadi wong edan kok penak..:mrgreen:

    Komentar oleh huda — 23 November 2009 @ 04:19

  2. enak gak mikiri sembarang

    mau ikutan ya..:mrgreen: thank wis mampir

    Komentar oleh ferry — 8 Desember 2009 @ 03:09


Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: